મોરબીનાં એક રહેણાંક મકાનમાં દરોડો પાડી પોલીસે દારૂનો જથ્થો જપ્ત કર્યો

મોરબીમાં આગમી વિધાનસભાની ચૂંટણીને લઈ જિલ્લા પોલીસ સજ્જ થઈ છે. અને ઠેર-ઠેર દરોડા પાડી દેશી-વિદેશી દારૂનો જથ્થો મોટા પ્રમાણમાં જપ્ત કરવામાં આવી રહ્યો છે. ત્યારે ગત રોજ મોરબી સીટી બી ડિવિઝન પોલીસે બાતમીના આધારે રહેણાંક મકાનમાં રેઇડ કરી ઈંગ્લીશ દારૂનો જથ્થો જપ્ત કર્યો છે.

મળતી માહિતી અનુસાર, મોરબી સીટી બી ડિવિઝન પોલીસની ટીમ ગઈકાલે પેટ્રોલીગમા હતી. ત્યારે તેઓને બાતમી મળી હતી કે, સલીમ ઉર્ફે સલીયો જુસબભાઇ કટીયાના મકાનમા વીસીપરા, ઇમામના ઓટા પાસે વિદેશી દારૂનો જથ્થો વેચાણ અર્થે લાવેલ છે. જે હકીકતના આધારે પોલીસે રેઇડ કરતા સ્થળ પરથી ભારતીય બનાવટનો વીદેશી દારૂ મેક ડોવેલ્સ નં.૧ કલેક્શન વ્હીસ્કીની ૦૩ બોટલ તથા સદરહુ બ્રાન્ડની ૨૬ બોટલ મળી કુલ રૂ.૩,૦૭૫/- નો મુદામાલ પોલીસે કબ્જે કરી આરોપી સ્થળ પરથી નહિ મળી આવતા તેને શોધવા ચક્રો ગતિમાન કર્યા છે.