મોરબી પંથકમાંથી ટાઇલ્સ ભરી મુન્દ્રા પોર્ટે પહોંચાડવાને બદલે ટેઇલર તથા કન્ટેનર વઘાસીયા ટોલનાકા નજીક રેઢુ મુકી આરોપી ઘોડો (હોર્સ) ચલાવી ચોરી ગયાની રાજસ્થાની ડ્રાઇવર સામે વાંકાનેર પોલીસ મથકમાં ફરિયાદ નોંધાઈ છે.
અંજાર પીર વાડી વિસ્તારમાં રહેતા અને ટ્રાન્સપોર્ટના વ્યવસાય સાથે સંકળાયેલ જીતેશભાઇ રતનશીભાઇએ આરોપી કલ્યાણસિંગ અર્જુંનસિંગ (ઉ.વ.૨૭ રહે. ગામ બાલુકા વડીયા રજીયાવાસ જી.અજમેર) વિરુદ્ધ વાંકાનેર સીટી પોલીસ મથકમાં ફરિયાદ નોંધાવી જણાવ્યું કે તેઓએ આરોપીને પોતાની માલીકીનુ માલવાહક ટ્રેઇલર રજી.ન.જીજે-૧૨-બીટી-૬૫૧૭ ગાંધીધામથી સીકોરા ટાઈલ્સ ઉંચી માડલ ખાતેથી ભરી મુંદ્રા પોર્ટે પહોચાડવા જણાવ્યું હતું પરંતુ આરોપી કલ્યાણસિંગે ટેઇલર તથા કન્ટેનર વઘાસીયા ટોલનાકા નજીક રેઢુ મુકી ઘોડો (હોર્સ) ચલાવી ચોરી કરી લઈ જતા ફરિયાદ નોંધાઈ છે જે ફરિયાદને પગલે પોલીસે રાજસ્થાન આરોપીની શોધખોળ કરવાની તજવીજ હાથ ધરી છે.
