મોરબીની શેર-એ-પંજાબ હોટલના કમ્પાઉન્ડમાં દારૂ સાથે રાજસ્થાની ઈસમ પકડાયો

મોરબીમાં વિદેશી દારૂ પકડાવવાનો સિલસિલો યથાવત રહ્યો છે. મોરબીના બહાદુરગઢ પાટીયા શેર-એ-પંજાબ હોટલના કમ્પાઉન્ડમાં રાજસ્થાની વ્યક્તિ વિદેશી દારૂની બોટલો સાથે મળી આવતા મોરબી તાલુકા પોલીસે ઈસમની અટકાયત કરી આગળની કાર્યવાહી હાથ ધરી છે.

મળતી માહતી અનુસાર, મોરબી તાલુંકાના બહાદુરગઢ ગામના પાટીયા પાસે આવેલ શેર-એ-પંજાબ હોટલના કમ્પાઉન્ડમાં 10/10/2023 ને 08:30 વાગ્યે મૂળ રાજસ્થાનના સેડવાના ઇટાદાચૌટનના આરોપી પ્રવિણભાઇ ભવરારામ સોલંકીએ ગેર કાયદેસર પાસ પરમીટ કે આધાર વગર પોતાના કબ્જામાં ભારતીય બનાવટના પર પ્રાંતીય ઇન્ગલીશ દારૂની COUNTY CLUB DELUX WHICKY ફોર સેલ ઇન રાજસ્થાન ઓનલી લખેલ 180 એમ.એલ ની કાચની શીલબંધ બોટલ નંગ-20 કુલ રૂ.2000/- ના મુદ્દામાલ સાથે મળી આવતા તેના વિરૂદ્ધ મોરબી તાલુકા પોલીસે ગુન્હો દાખલ કરી કાયદેસરની કાર્યવાહી હાથ ધરી છે.