રાજકોટમાં ફોરવીલમાંથી અંગ્રેજી દારૂના જથ્થા સાથે એલસીબીએ એક શખ્સને ઝડપી પાડ્યો છે. બી ડિવિઝન પોલીસ સ્ટેશન વિસ્તારના ગ્રીનલેન્ડ ચોકડીથી મોરબી રોડ તરફ જતા ન્યારાના પેટ્રોલ પંપવાળી શેરી, પંચવટી ટાઉનશીપ શેરી નંબર 2માં રોડ પરથી ઇંગ્લિશ દારૂનો જથ્થો પકડાયો હતો. જથ્થા સાથે પોલીસે બુટલેગરને પકડી પાડી કાયદેસરની કાર્યવાહી હાથ ધરી છે.
રાજકોટનાં પોલીસ કમીશ્નર બ્રજેશ કુમાર ઝા તથા ACP મહેન્દ્ર બગડીયાએ દારૂ જુગારની પ્રવૃતી નેસ્ત નાબુદ કરવા સુચના કરેલ હોય જે અન્વયે એલ.સી.બી. ઝોન-૧ ટીમના માણસો પેટ્રોલીંગમાં હતા દરમ્યાન તેઓને મળેલ બાતમીનાં આધારે બી ડીવીઝન પોલીસ સ્ટેશન વિસ્તારના ગ્રીનલેન્ડ ચોકડી થી મોરબીરોડ તરફ જતા ન્યારાના પેટ્રોલ પંપ વાળી શેરી પંચવટી ટાઉનશીપ શેરી નં-૨ રાજકોટ ખાતે જાહેર રોડ પરથી વિરભાનુ જીવાભાઇ બાલાસરા નામના આરોપીને ભારતીય બનાવટના અંગ્રેજી દારૂના રૂ.૪૮૦૦૦/-ની કિંમતના ૯૬ બોટલનાં જથ્થા તથા અન્ય મુદ્દામાલ સાથે પકડી પાડી કાયદેસરની કાર્યવાહી હાથ ધરવામાં આવી છે.
