ટંકારા : ટંકારા નજીક ડેમી નદીના પુલ ઉપર ટ્રેઇલર ફસાઈ જતા રસ્તો બંધ થઈ ગયો છે. હાલ અનેક વાહનચાલકો અહીં અટવાયા હોય ટ્રેઇલરને કાઢવા માટે કવાયત હાથ ધરવામાં આવી છે.
- Advertisement -
- Advertisement -
પ્રાપ્ત વિગતો અનુસાર ટંકારાની ઉગમણી બાજુ ડેમી નદીના પુલ ઉપર કોઠારીયા જવાના રસ્તે એક ટ્રેઇલર ફસાઈ ગયો છે. આ ટ્રેઇલર એક ફેકટરીમાં મશીનરી ખાલી કરી રાજકોટ-મોરબી હાઇવે ઉપર પરત ફરી રહ્યો હતો. ત્યારે વણાંક વળતી વખતે તેના ટાયર ફસાઈ ગયા હતા. જેના કારણે રોડ બ્લોક થઈ ગયો છે. આ રોડ અનેક ખેતરો અને ગામડાને જોડતો હોય ઉપરાંત અહીં નજીકમાં બાપા સીતારામનો ઉત્સવ હોય જેના કારણે અનેક વાહનચાલકો અટવાયા છે. હાલ આ રોડ ઉપર માત્ર ટુ-વ્હીલર જઇ શકે તેટલી જ જગ્યા છે. આ ટ્રેઇલરને બહાર કાઢવા માટે હાલ કવાયત ચાલી રહી છે.
