મહારાણા પ્રતાપજીની જન્મજ્યંતિ નિમિત્તે સીતારામ સેવા ગ્રુપ દ્વારા સરબત વિતરણ કરાયું

દેશભરમાં આજે વીર પુરૂષ મહારાણા પ્રતાપજીની જન્મજયંતિની ઉજવણી કરવામાં આવી રહી છે. જેને ભાગરૂપે આજ રોજ મોરબીનાં સીતારામ સેવા ગ્રુપ દ્વારા પણ સરબત વિતરણ કાર્યક્રમનું આયોજન કરવામાં આવ્યું હતું.

વીરતા અને દેશભક્તિના પ્રતિક મહારાણા પ્રતાપજીની આજે જન્મજ્યંતિ છે. જે નિમિત્તે સીતારામ સેવા ગ્રુપ દ્વારા ઠંડા પીણાં તેમજ સરબત વિતરણનું આયોજન કરવામાં આવ્યું હતું. આ તકે સનાળા ગ્રામ પંચાયત ઉપ સરપંચ ધર્મેન્દ્રસિંહ ઝાલા, રાજપૂત સમાજ આગેવાન દેવેન્દ્રસિંહ જાડેજા, શહેર યુવા મોરચા પ્રમુખ જયદીપભાઈ કંડિયા, રાજકોટ યુવા મોરચા પ્રભારી મહાવીરસિંહ જાડેજા તેમજ શહેર યુવા મોરચા મહામંત્રી યોગીરાજસિંહ જાડેજા તથા ગ્રુપના સર્વે ભાઈયો ઉપસ્થિત રહ્યા હતા.