મોરબીમાં જુગારીઓ ઝડપાવવાનો સિલસિલો યથાવત રહ્યો છે. જેમાં મોરબી સીટી એ ડિવીઝન પોલીસની ટીમે બાતમીનાં આધારે નાળા ગામ ચિત્રકુટ સોસાયટી ખાતે રહેણાંક મકાનમાં રેઈડ કરી જુગાર રમતા સાત ઈસમોને ઝડપી પાડ્યા છે. અને તેમની પાસેથી રોકડા રૂ.૪૭,૨૦૦/-નો મુદ્દામાલ કબ્જે કરી આગળની કાર્યવાહી હાથ ધરી છે.
મળતી માહિતી અનુસાર, મોરબી સીટી એ ડિવીઝન પોલીસની ટીમે બાતમીનાં આધારે મોરબી શનાળા ગામ ચિત્રકુટ સોસાયટી ખાતે આવેલ નિલેષભાઇ પ્રવીણભાઇ રૂપારેલના રહેણાંક મકાનમાં રેઇડ કરી સ્થળ પરથી નિલેષભાઇ પ્રવીણભાઇ રૂપારેલ, રસીકભાઇ ગાંડાલાલ રાજાણી, જયેશભાઇ અશોકભાઇ રૂપારેલ, રાજેશભાઇ ભગવાનજીભાઇ ખખર, અલ્પેશભાઇ નરેન્દ્રભાઇ રૂપારેલ, ભાવીનભાઇ પ્રવીણભાઇ રૂપારેલ તથા કમલેશભાઇ અશોકભાઇ રૂપારેલ નામના શખ્સોને ગંજીપતાના પાના અને પૈસાવતી રોન પોલીસનો તીન પતીનો હારજીતનો જુગાર રમતા પકડી પાડી તેમની પાસેથી રોકડા રૂ.૪૭૨૦૦/-નો મુદ્દામાલ કબ્જે કરવામાં આવ્યો છે.
