હળવદના જુના દેવળીયા ગામે વાડીના શેઢે જુગારની મહેફિલ માંડી બેઠેલા છ પત્તાપ્રેમી ઝડપાયા

હળવદ પોલીસ ટીમે પૂર્વ બાતમીને આધારે તાલુકાના જુના દેવળીયા ગામે બામણીયા નામે ઓળખાતી સીમમાં રસિકભાઈ ભોરણીયાની વાડીના શેઢે રેઇડ કરી હતી, જ્યાં જાહેરમાં ગંજીપત્તાના પાના વડે રૂપિયાની હારજીતના ત્રણ પાનાના જુગારની મજા માણતા ૬ જુગારીને રંગેહાથ પકડી લેવામાં આવ્યા છે, જેમાં જુગારની બાઝી માંડી બેઠેલા આરોપી રસીકભાઈ અરજણભાઇ ભોરણીયા ઉવ.૪૦, અરવિંદભાઈ ઉર્ફે કાળુભાઈ મગનભાઈ ફેફર ઉવ.૪૫, ધીરૂભાઇ ઉર્ફે ખેરૂ અમરશીભાઇ અધારા ઉવ.૫૨, જયંતીભાઇ લાભુભાઇ ભોરણીયા ઉવ.૫૬, શંકરભાઈ રામજીભાઇ ભોરણીયા ઉવ.૬૦ તથા બળદેવભાઈ જગજીવનભાઇ કાલરીયા ઉવ.૫૫ તમામ રહે. જુના દેવળીયા તા.હળવદ વાળાને રોકડા રૂ.૧૮,૩૫૦/- સાથે તમામની અટક કરી જુગારધારા હેઠળ કાર્યવાહી કરવામાં આવી છે.