આપણા દેશમાં ક્રિકેટને ધર્મ માનવામા આવે છે. ત્યારે હવે યુવાનો માટે ક્રિકેટ રમવાનો નવો ક્રેઝ સામે આવી રહ્યો છે. જેને લઇ મોરબી IMA દ્વારા બોક્સ ક્રિકેટ લીગનું આયોજન કરવામાં આવ્યું હતું. જેમાં સ્કીન શાયનર્સ ટીમ વિજેતા થઇ છે. તબિબો માટે આયોજીત ક્રિકેટ લીગમાં ૧૨ મેન્સ ટીમ, ૪ વુમન્સ ટીમ તથા ૨ કીડ્સ ટીમે ઉત્સાહભેર ભાગ લીધો હતો.
મોરબી IMA દ્વારા મેડિકલ ક્ષેત્રે કાર્યરત વિવિધ વિભાગોના તબિબો માટે શહેરના થ્રીલ એન્ડ ચીલ ખાતે બોક્સ ક્રિકેટ લીગનું અનેરૂ આયોજન કરવામાં આવ્યુ હતું. જેમા ૧૨ મેન્સ ટીમ, ૪ વુમન્સ ટીમ તથા ૨ કીડ્સ ટીમે ઉત્સાહભેર ભાગ લીધો હતો. કુલ 25 મેચોની આ ટુર્નામેન્ટના અંતે મેન્સ ફાઈનલ મેચ પીડીયા પેન્થર્સ તથા સ્કીન શાયનર્સ વચ્ચે રમાયો હતો. જેમાં ડો. જયેશ સનારીયાની કપ્તાનીમાં સ્કીન શાયનર્સ ટીમ વિજેતા થઈ હતી, તે ઉપરાંત વુમન્સ ફાયનલ મેચમાં ડો. પાયલ ફેફરની કપ્તાનીમાં મોરબી ક્વિન્સ ટીમ વિજેતા બની હતી. મેન ઓફ ધ સિરિઝનો ખિતાબ ડો. દર્શન નાયકપરાએ તેમજ વુમન ઓફ ધ સિરિઝનો ખિતાબ ડો.નિધિ સરડવાએ મેળવ્યો હતો. ઈમર્જીંગ પ્લેયર ઓફ ધ ટુર્નામેન્ટનો ખિતાબ મેન્સમાં અથર્વ ગામી તેમજ વિમેન્સમાં રીરી અધારાએ મેળવ્યો હતો. સમગ્ર ટુર્નામેન્ટ દરમિયાન અમ્પાયર તરીકે નેસ્ટ સ્કુલના ક્રિકેટ કોચ કપીલ કુમારે સેવા આપી હતી. તેમજ ટુર્નામેન્ટને સફળ બનાવવા મોરબી IMA ના પ્રમુખ ડો.નિકુંજ વડાલીયા, સેક્રેટરી ડો.વિરલ લહેરુ સહીતના હોદેદારોએ જહેમત ઉઠાવી હતી.
