સ્ટેટ મોનીટરીંગ સેલ દ્વારા સુરેન્દ્રનગર જિલ્લાના ચોટીલા તાલુકાના ખેરડી ગામના ખુલ્લા મેદાનમાં દરોડો પાડી સ્થળ પરથી કરોડોનો મુદ્દામાલ કબ્જે કરી 10 આરોપીઓને વોન્ટેડ જાહેર કર્યા છે.
મળતી માહિતી અનુસાર, સ્ટેટ મોનિટરિંગ સેલની ટીમ દ્વારા સુરેન્દ્રનગર જિલ્લાનાં ખેરડી ગામેં નાગરાજ હોટલની સામે આવેલ ખુલ્લા મેદાનમાં રેઈડ કરી વિદેશી દારૂનું કટિંગ થાય તે પહેલા જ કરોડોના વિદેશી દારૂનો જથ્થો પકડી પાડ્યો છે. જેમાં અલગ અલગ બ્રાન્ડની વિદેશી દારૂની 8596 બોટલોનો રૂ.1,19,10,000/-નો મુદ્દામાલ મળી કુલ રૂ.1,26,10,000/-નો મુદ્દામાલ કબ્જે કરવામાં આવ્યો છે. તેમજ ગુન્હામાં દારૂ મંગાવનાર દિલીપ બાવકુ ધાંધલ (રહે. નાની મોલડી ગામ, તા. ચોટીલા, જિ. સુરેન્દ્રનગર), GJ-13-AW-6447 નંબરનાં મહિન્દ્રા પીકઅપનો ડ્રાઈવર, GJ-13-AW-6447 નંબરનો મહિન્દ્રા પીકઅપનો માલિક, દિલીપ ધાંધલના 6 અજાણ્યા શખ્સો તથા વિદેશી દારૂના સપ્લાયરને વોન્ટેડ જાહેર કરી સમગ્ર મામલે 65(A)(E),81,83, 116(B),98 (2) અને ભારતીય ન્યાય સંહિતા અધિનિયમ: 111(2)(B),111 (3)(4) મુજબ ગુન્હો દાખલ કરી આગળની કાર્યવાહી હાથ ધરી છે
