વાંકાનેર જીનપરા રોકડીયા હનુમાન મંદીરની પાછળ આવેલ બંધ રહેણાંક મકાનમા તસ્કરોએ હાથફેરો કરી રોકડ, દાગીના સહિત ૯૬ હજારનો મુદ્દામાલ ઉસેડી જતા આ અંગે પોલીસ સ્ટેશનમાં ફરિયાદ નોંધાઈ છે.
વાંકાનેર જીનપરામાં રોકડીયા હનુમાન મંદીરની પાછળ આવેલા વિજયભાઇ રાઠોડના “શ્રીહરી” નામના મકાનમા
રહેતા ઇરાન્ના ચંદ્રશેખર ખુબશદ (ઉ.વ.૫૦) મૂળ જી.ધારવાડ રાજય કર્ણાટક વાળાના બંધ મકાનમાં ગત તા. ૮ થી તા. ૯ ના સમયગાળા દરમિયાન છત ઉપર કોઇ અજાણ્યો શખ્સ ચડી ઉપરથી સીડી વાટે બેડરૂમમા પ્રવેશ કરી રૂમમા રહેલ કબાટ લોક માર્યા વગરના હોય તે કબાટના ખાનામા રહેલ રોકડા રૂ.૧૫૦૦૦/-તથા સોનાનો ચેઇન કિ.રૂ.૪૭૦૦૦/- તથા સોનાની પહોચી (બ્રેસલેટ) કિ.રૂ.૩૪૦૦૦/- મળી કુલ રૂ.૯૬૦૦૦/-ચોરી કરી લઇ ગયા અંગેની વાંકાનેર પોલીસ મથકમાં ફરિયાદ નોંધાઈ છે. ફરિયાદને પગલે વાંકાનેર સીટી પોલીસ સ્ટેશનના પોલીસ ઇન્સ્પેક્ટર એચ.એન. રાઠોડ દ્વારા વધુ તપાસ હાથ ધરાઈ છે.
