સાત સ્પર્ધામાં પ્રથમ ક્રમ મેળવી નવયુગ સંકુલને વધુ એક સિદ્ધિ પ્રદાન કરતા વિદ્યાર્થીઓ
મોરબી:ટંકારામાં યોજાયેલા તાલુકા કક્ષાના કલા મહાકુંભમાં નવયુગ સંકુલના વિદ્યાર્થીઓએ શાનદાર પ્રદર્શન કરતા એક નહીં પણ સાત અલગ-અલગ સ્પર્ધાઓમાં પ્રથમ ક્રમ હાંસલ કર્યો છે. વિદ્યાર્થીઓની આ સિદ્ધિ નવયુગ સંકુલની શૈક્ષણિક અને સાંસ્કૃતિક ક્ષેત્રનું સૌથી મોટું ઐતિહાસિક પ્રદર્શન રહ્યું હતું.
મોરબી નવયુગ સંકુલ સંસ્થાની યાદીમાં જણાવ્યા મુજબ, ‘રીજલ્ટના રાજા’ ની સાથે સાથે અન્ય સ્પર્ધામાં પણ નવયુગ હંમેશા અવલ્લ હોય છે, જેમાં ટંકારા તાલુકા કક્ષાના કલા મહાકુંભમાં નવયુગ સંકુલના વિદ્યાર્થીઓ એક નહિ પણ સાત સાત ઇવેન્ટમાં પ્રથમ ક્રમ પ્રાપ્ત કરી ઇતિહાસ રચ્યો છે જેમાં પ્રથમ ક્રમ પ્રાપ્ત કરનાર વિજેતાઓમાં વક્તૃત્વ સ્પર્ધા (૬થી ૧૪ વર્ષ): ભવ્ય બોપલીયાએ પ્રથમ ક્રમ મેળવ્યો, વક્તૃત્વ સ્પર્ધા (૧૫ થી ૨૦ વર્ષ): મિતલ નાખવાએ પ્રથમ ક્રમ હાંસલ કર્યો, સમુહગીત (બન્ને વય જૂથ): બંનેમાં સમુહગીતમાં પ્રથમ સ્થાન, તબલા વાદન: ભુવા સાવનનો પ્રથમ ક્રમ, લોકગીત: વરમોરા કશીશે પ્રથમ ક્રમ પ્રાપ્ત કર્યો, એકપાત્રીય અભિનય: કુંજાલી લોરીયાએ પ્રથમ ક્રમ હાંસલ કર્યો, ચિત્રકલા: ધ્રુવી માકાસણાએ પ્રથમ ક્રમ મેળવ્યો હતો, આમ તમામ તારલાઓએ પ્રથમ ક્રમાંક મેળવી ગૌરવશાળી પ્રદર્શન કર્યું હતું, જે બદલ નવયુગ સંકુલ સંસ્થાના પ્રમુખ પી.ડી.કાંજીયાએ તમામ વિજેતા વિદ્યાર્થીઓને ખૂબ ખૂબ અભિનંદન પાઠવ્યા હતા. સાથે આ સિદ્ધિ પાછળ શિક્ષકો તુષારભાઈ પૈજા અને મુનીરભાઈ વાલેરાના માર્ગદર્શન અને જહેમતને પણ બિરદાવી હતી.
