મોરબીના ટીંબડી ગામ નજીક કન્ટ્રકશનની ઓફીસમાં જુગારની મહેફિલ ઉપર તાલુકા પોલીસ ત્રાટકી

દોઢ લાખથી વધુની રોકડ રકમ સાથે પાંચ પત્તાપ્રેમીઓને દબોચી લેવાયા

મોરબી તાલુકાના ટીંબડી ગામ નજીક આવેલ અરવિંદભાઈ પટેલ મોરબીવાળાની કન્સ્ટ્રકશન ઓફિસમાં તીનપત્તીના જુગારની મહેફિલ જમાવી બેઠેલા પાંચ ઇસમોને મોરબી તાલુકા પોલીસ ટીમે ઝડપી લીધેલ છે. ઓફીસમાં જુગાર રમી રહેલા ઓફીસ માલીક અરવિંદભાઇ ભગવાનજીભાઇ પટેલ ઉવ-૪૨ રહે. શ્રીકુંજ સોસાયટી-૦૧ મોરબી, અમીતસિંહ જીતુભા સોલંકી રહે. જનકપુરી સોસાયટી મોરબી-૨, તરૂણભાઇ કરમશીભાઇ પટેલ રહે.કન્યા છાત્રાલય રોડ રૂશીકેશ એપાર્ટમેન્ટ મોરબી, ધમેન્દ્રભાઈ રમેશભાઇ મેવાડા રહે.મહેન્દ્રનગર ઉમા વિલેજ મોરબી તથા હીતેષભાઇ દુલર્ભજીભાઇ પટેલ રહે.મોરબી પટેલનગર આલાપ રોડ ટાવર બી-૫૦૨ને કુલ રોકડા રૂ. ૧,૫૩,૮૦૦/- સાથે ઝડપી લઈ પાંચેય આરોપીઓ સામે જુગારધારા હેઠળ કાયદેસરની કાર્યવાહી કરવામાં આવી છે.