ટંકારામાં ચેક રીટર્ન કેસ આરોપીને એક વર્ષની સાદી કેદ સજા ફટકારવામાં આવી છે. આરોપીને કસુરવાન ઠેરવીને ૧ (એક) વર્ષની સજા તેમજ રૂ.૫,૦૦,૦૦૦ /- (અંકે રૂપિયા પાંચ લાખ પુરા ) ફરિયાદીને વળતર પેટે દિન ૬૦ માં ચુકવી આપવા હુકમ કરવામાં આવ્યો છે. તેમજ આરોપી વળતરની રકમ ચુકવવામાં કસુર કરે તો આરોપીને વધુ ૩ (ત્રણ) માસની સાદી કેદની સજાનો હુકમ કરવામાં આવ્યો છે. જેમાં ફરિયાદી તરફથી ટંકારાના એડવોકેટ અમિત પી જાની, રાહુલ ડી ડાંગર અને કેતન બી ચૌહાણ રોકાયેલા હતા.
મળતી માહિતી અનુસાર, નાના ખીજડીયા ગામમાં રહેતા કિશોરભાઈ દામજીભાઇ બારૈયાએ ગજડી ગામે રહેતા વિજયભાઈ મનાભાઈ ડાંગર પાસેથી અંગત ઉપયોગ માટે રૂ. ૫,૦૦,૦૦૦ /- સંબંધના દાવે લીધા હતા. જે રકમ પરત આપવા માટે કિશોર ભાઈ દામજીભાઇ બારૈયાએ રૂ. ૫,૦૦,૦૦૦/- નો ચેક આપ્યો હતો. જે વણ ચૂકવ્યે પરત થતાં વિજયભાઈ મનાભાઈ ડાંગરે ધિ નેગોશીયેબલ ઇન્સ્ટ્રુમેન્ટ એક્ટની કલમ 138 અન્વયે ટંકારાના જ્યુડિશિયલ મેજિસ્ટ્રેટ ફ.ક. સાહેબની કોર્ટમાં વકીલ રાહુલ ડી ડાંગર દ્વારા ૧૨/૧૨/૨૦૨ ના રોજ ફરિયાદ દાખલ કરી હતી. જે કેસ ચાલી જતાં ટંકારાના જયુડિ. મેજી.ફ.ક એસ.જી.શેખ સાહેબે આરોપીને 1 વર્ષનીની સાદી કેદની સજા અને ચેકની રકમ રૂ. ૫,૦૦,૦૦૦/- નું વળતર ચુકવવું તેમજ આરોપીએ વળતરની રકમ ૬૦ દિવસમાં ફરિયાદીને ચુકવી આપવી. જો રકમ ચૂકવવામાં કસુર કરે તો વધુ ૩ (ત્રણ) માસની સાદી કેદની સજા ભોગવવાનો હુકમ કરવામાં આવ્યો છે. જેમાં ફરિયાદી તરફથી વકીલ અમિત પી જાની, રાહુલ ડી ડાંગર, કેતન બી ચૌહાણ રોકાયા હતા
