ટંકારા:ધુનડા(સ) ગામે રહેણાંકમાંથી વિદેશી દારૂની ૧૬ બોટલ સાથે એક પકડાયો

ટંકારા તાલુકાના ધુનડા(સ) ગામે રહેણાંક મકાનમાં ટંકારા પોલીસ ટીમ દ્વારા દરોડો પાડી વિદેશી દારૂની ૧૬ બોટલ સાથે આરોપીને ઝડપી લેવામાં આવ્યો હતો.

પ્રાપ્ત માહિતી મુજબ ટંકારા પોલીસ ટીમ પેટ્રોલિંગમાં હોય તે દરમિયાન ખાનગીરાહે બાતમી મળેલ કે ધુનડા(સ) ગામે ચતુરભાઈ પ્રવીણભાઈ પંચાસરા પોતાના રહેણાંક મકાનમાં વિદેશી દારૂનો જથ્થો રાખી તેનું વેચાણ કરતો હોય તે મુજબની બાતમીને આધારે તાત્કાલિક ટંકારા પોલીસ ટીમ દ્વારા ધુનડા(સ) ગામે રહેણાંકમાં દરોડો પાડ્યો હતો. દરોડા દરમિયાન પોલીસે સ્થળ ઉપરથી વિદેશી દારૂની અલગ અલગ બ્રાન્ડની ૧૬ નંગ બોટલ મળી આવી હતી, જેથી તુરંત આરોપી ચતુરભાઈ પ્રવીણભાઈ પંચાસરા ઉવ.૨૭ રહે.ધુનડા(સ) તા.ટંકારાની સ્થળ ઉપરથી અટક કરી હતી. આ સાથે વિદેશી દારૂનો જથ્થો કબ્જે લઇ અટક કરાયેલ આરોપી વિરુદ્ધ ટંકારા પોલીસ મથકમાં ગુનો દાખલ કરવામાં આવ્યો હતો.