ટંકારા પોલીસે રીક્ષામાંથી 86 બોટલ દારૂ સાથે રાજકોટના બે શખ્સોને ઝડપી લીધા હતા. પોલીસે દારૂ, રીક્ષા સહિત 61 હજારનો મુદામાલ કબ્જે કરી કાયદેશરની કાર્યવાહી કરી છે.
ટંકારા પોલીસ પેટ્રોલિંગમાં હતી એ દરમિયાન શંકાસ્પદ હાલતમાં નીકળેલ એક સી.એન.જી રીક્ષા રજી નંબર GJ 03 – BU-2301ને અટકાવી તેની તલાશી લેતા રીક્ષામાંથી ઇંગ્લીશ દારૂની MCDOWELLS-NO-1 સુપીરીયર વ્હીસ્કીની બોટલ નંગ 78 કિંમત રૂપિયા ૨૩૪૦૦ તથા રોયલ પ્રીમિયમ વહીસ્કીની બોટલ નંગ ૦૮ જેની કિ રૂ ૩૨૦૦ તથા સી.એન.જી રીક્ષા રજી નંબર- GJ-03-BU-2301 ની કિ. રૂ. ૩૫૦૦૦ મળી કુલ મુદ્દામાલ રૂ ૬૧,૬૦૦ ના મુદ્દામાલ સાથે આરોપી તેજસ ઉર્ફે લાલો જયંતિલાલ જીવરાજાણી (ઉ.વ .૪ ર ધંધો ડ્રાઈવીંગ રહે ગાંધીગ્રામ શેરી નંબર ૧૧ રાજકોટ) તથા ઋત્વિક ચંદ્રેશભાઈ ઘઘડા (ઉ.વ .૧૮ રહે.જંગલેશ્વર રાજકોટ)ને ઝડપી લીધા હતા.
આ કામગીરીમાં પીએસઆઇ એસ.એમ.રાણા, હેડ કોન્સટેબલ વિજયભાઈ બાર, કોન્સ્ટેબલ હિતેષભાઈ ચાવડા, ખાલીદખાન રફિકખાન, સિધ્ધરાજસિહ અર્જુનસિહ, સિધ્ધરાજસિહ અનિરૂધ્ધસિહ, વિપુલભાઈ બાલાસરા તથા બિપીનભાઈ શેરસીયા સહિતના હાજર રહ્યા હતા.
