મોરબી સિટી એ ડિવિઝન પોલીસે પોલીસ સ્ટેશન વિસ્તારમાં ખોવાયેલ કે ચોરાયેલા મોબાઇલ ફોન શોધી અરજદારોને પરત અપાવ્યા છે.
તેરા તુજકો અર્પણ” કાર્યક્રમ અંતર્ગત “CEIR” પોર્ટલ ના ઉપયોગથી મોરબીમાથી 8,37,047/- ની કિમતના કુલ- 41 જેટલા ખોવાયેલ મોબાઈલો શોધી અરજદારોને પરત આપવામાં આવ્યા છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રિપાઠીએ પ્રજા કલ્યાણ તેમજ પ્રજા ઉપયોગી કાર્યવાહી કરવા સુચના આપી હતી. તેમજ નાયબ પોલીસ અધિક્ષક પી.એ.ઝાલાના માર્ગદર્શન હેઠળ પોલીસ ઇન્સપેક્ટર આર.એસ.પટેલ મોરબી સીટી એ ડિવિઝન પોલીસ સ્ટેશનના સુપરવિઝન હેઠળ મોરબી સીટી એ ડિવિઝન પોલીસ સ્ટેશનના અરજદારોના ખોવાયેલ/ચોરાયેલ મોબાઇલ શોધી કાઢવા સ્ટાફને સુચના આપી હતી.
જે અનુસંધાને મોરબી સીટી એ ડીવીઝન પોલીસ સ્ટેશન સર્વેલન્સ સ્ટાફના અનાર્મ એ.એસ.આઈ રાજદીપસિંહ રાણાએ “CEIR”પોર્ટલનો ઉપયોગ કરી “CEIR”મા એંટ્રી કરી સતત મોનીટરીંગ રાખી ટેકનીકલ વર્ક આઉટ કરી સર્વેલન્સ સ્ટાફે જહેમત ઉઠાવી કુલ મોબાઇલ નંગ. 41 કિંમત રૂ. 8,37,047/- ના શોધી પબ્લીકને પરત આપી સુરક્ષા સાથે સેવાનુ ઉત્તરદાયિત્વ નિભાવ્યું છે.
જેમાં આર.એસ.પટેલ પોલીસ ઇન્સ્પેકટર, પોલીસ સબ ઇન્સ્પેક્ટર જે.સી.ગોહીલ, એ.એસ.આઈ રાજદીપસિંહ રાણા, એ.એસ.આઇ કિશોરભાઈ મિયાત્રા, એ.એસ.આઇ સવજીભાઇ દાફડા, જયવંતસિંહ ગોહીલ,
એ.એસ.આઇ ધર્મેન્દ્રસિંહ જાડેજા, પોલીસ કોન્સ્ટેબલ સિધ્ધરાજસિંહ જાડેજા, કપીલભાઇ ગુર્જર, પૃથ્વીરાજસિંહ જાડેજા, જયદીપભાઇ ગઢવી તેમજ મહીલા પોલીસ કોન્સ્ટેબલ મોનાબેન રાઠોડ દ્વારા કામગીરી કરવામાં આવી હતી.
