“તેરા તુજકો અર્પણ” કાર્યક્રમ અંતર્ગત “CEIR” પોર્ટલનો ઉપયોગ કરી ટંકારા પોલીસે અરજદારોના ખોવાયેલ આઠ મોબાઇલ શોધી પરત સોંપ્યા છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા સુચના આપી હતી.તેમજ નાયબ પોલીસ અધિક્ષક એસ.એચ.સારડાના માર્ગદર્શન હેઠળ પોલીસ ઇન્સપેક્ટર કે.એમ.છાસીયા ટંકારા પોલીસ સ્ટેશનના સુપરવિઝન હેઠળ ટંકારા પોલીસ સ્ટેશનના અરજદારોના ખોવાયેલ/ચોરાયેલ મોબાઇલ શોધી કાઢવા સ્ટાફને સુચના આપી હતી. જે અંતર્ગત અનુસંધાને ટંકારા પોલીસ સ્ટેશનના પોલીસ હેડ કોન્સ્ટેબલ દશરથસિંહ રણજીતસિંહ ચાવડા, હરપાલસિંહ મનહરસિંહ ઝાલાએ “CEIR” પોર્ટલનો ઉપયોગ કરી “CEIR” મા એન્ટ્રી કરી સતત મોનીટરીંગ રાખી ટેકનીકલ વર્ક આઉટ કરી તેમજ હ્યુમન સોર્સની મદદથી જહેમત ઉઠાવી કુલ-૦૮ મોબાઇલ ફોન કિંમત રૂ. ૧,૪૩,૪૯૭/- શોધી કાઢી, એક સાથે અજરદારોને પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે એ સુત્રને ટંકારા પોલીસે સાર્થક કરી બતાવ્યું છે.
