મોરબી શહેર જિલ્લામાં છેલ્લા પખવાડીયામાં બાઇક તથા એક્ટિવા ચોરીના ઘણા કિસ્સાઓ સામે આવ્યા છે. ત્યારે ગઈકાલે વધુ એક એક્ટિવા ચોરી થયા અંગેની ફરિયાદ મોરબી તાલુકા પોલીસ સ્ટેશનમાં નોંધાઈ છે.
મળતી માહિતી અનુસાર, મોરબીના શનાળા રોડ ખાતે આવેલ લાઇન્સનગરમાં રહેતા પ્રવિણભાઇ ભુરાભાઇ ડંડેચા નામના આધેડે મોરબી તાલુકા પોલીસ સ્ટેશનમાં પોતાના વાહન ચોરી અંગેની ફરિયાદ નોંધાવતા જણાવ્યું હતું કે, તેઓએ પોતાનું GJ-36-AE-0227 નંબરનું હોન્ડા કંપનીનુ કાળા કલરનુ એક્ટીવા ગત તા.૧૧/૦૪/૨૦૨૩ ના સવારના સાડા અગિયાર વાગ્યા આસપાસ મોરબી તાલુકાના કોયલી ગામની ખારા તરીકે ઓળખાતી સીમમા કાચા રસ્તા ઉપર પોતાના ખેતર પાસે પાર્ક કરેલ હતું. જ્યાંથી તે પોતાના ખેતરે ગયેલ હતા. અને પોતે કામ પતાવી એક કલાક બાદ એટલે કે સાડા બાર વાગ્યા આસપાસ પોતાનું કામ પતાવી પરત ફરતા તેઓને પોતાનું એક્ટિવ સ્થળ પર ન જોવા મળતા કોઈ ચોર ઈસમ તેમનું વાહન ચોરી ગયા અંગે તેઓએ ફરિયાદ નોંધાવી છે.
