મોરબીના ખાખરાળા પાસે છકડો રીક્ષા પલટી જતા ચાલકનું મોત

મોરબી તાલુકાના ખાખરાળા ગામ પાસે નાગદાનભાઈ સુખાભાઈ દેલવાણિયા (ઉ.વ.૩૫ રહે.દેવીપૂજક વાસ, મોડપર તા.જી.મોરબી) વાળા બપોરના સમયે પોતાની છકડો રીક્ષા નં. GJ-10-TT-0575 લઈને જઈ રહ્યા હતા તે દરમિયાન અચાનક તેઓએ પોતાની છકડો રીક્ષા પર કાબુ ગુમાવતા રીક્ષા પલટી મારી ગઈ હતી જોકે રિક્ષામાં અન્ય કોઈ વ્યક્તિ સવાર હતા નહિ પરંતુ આ અકસ્માતમાં છકડો ચાલક નાગદાનભાઈ ને માથાના ભાગે હેમરેજ જેવી ગંભીર ઈજાઓ થતા તેમનું મોત નીપજ્યું હતું જે બાબતે તેમના પત્ની નીતાબેન દ્વારા મોરબી તાલુકા પોલીસ મથકમાં ફરિયાદ નોંધાવી છે.