ટંકારાના નેકનામ ગામે વાડીમાંથી વિદેશી દારૂની ૫ બોટલ સાથે વાડી-માલીકની અટક.

ટંકારા પોલીસ ટીમ પેટરિંગમાં હોય તે દરમિયાન નેકનામ ગામ નજીક નેકનામ-પડધરી રોડ ઉપર મોરલા વાળી વાડી વિસ્તારમાં આવતા જ્યાં વાડીના શેઢે લીલી-જારના વાવેતર વચ્ચેથી પુઠ્ઠાનું બોક્સ લઈ આવતા એક ઇસમને ટંકારા પોલીસ દ્વારા રોકી, બોક્સમાં ચેક કરતા વિદેશી મેકડોવેલ્સ વ્હિસ્કીની ૫ નંગ બોટલ કિ.રૂ.૨,૮૧૦/-મળી આવી હતી, જેથી આરોપી નરેન્દ્રસિંહ ઉર્ફે પીન્ટુ કનકસિંહ ઝાલા ઉવ.૩૮ રહે. નેકનામ તા.ટંકારા વાળાની અટક કરવામાં આવી હતી, આ સાથે પકડાયેલ આરોપી વિરુદ્ધ ગુનો દાખલ કરી ટંકારા પોલીસે આગળની તપાસ ચલાવી છે.