મોરબીના વાવડી નજીક ટ્રકમાં લાગેલ આગ ફાયર બ્રિગડે બુઝાવી:રક્ષા બંધન પર લોકોની રક્ષામાં ફાયર ટીમ ખડેપગે

લોકો દરેક તહેવાર ધામધુમ પૂર્વક ઉજવતા હોય છે. ત્યારે ઇમરજન્સી સેવા બજાવતા કર્મચારીઓ તહેવાર ઉપર પોતાના પરિવારજનોને છોડી પોતાની ફરજ નિભાવતા હોય છે. ત્યારે મોરબીના વાવડી નજીક ટ્રકમાં આગ લાગતાં ફાયર વિભાગના જવાનો તાત્કાલિક ઘટના સ્થળે પહોંચી આગ પર કાબૂ મેળવ્યો હતો. અને પોતાની ઉમદા ફરજ તહેવાર ઉપર પણ નિભાવી હતી…

રક્ષા બંધનના તહેવાર ઉપર પણ મોરબી ફાયર ટીમ ખડેપગે છે. મોરબીના વાવડી નજીક ટ્રકમાં આગ લાગવાનો બનાવ સામે આવ્યો છે. અચાનક ટ્રકમાં આગ લાગી જવા પામી હતી. ત્યારે ફાયર વિભગતે તાત્કાલિક ઘટના સ્થળે પહોંચી આગ પર કાબૂ મેળવ્યો હતો. જો કે ક્યાં કારણ સર ટ્રકમાં આગ લાગી હતી જે હજુ સામે આવ્યું નથી. ત્યારે આગને કારણે કોઈ જાનહાનિ પણ થવા પામી નથી. ત્યારે રક્ષાબંધન પર્વ ઉપર લોકોની રક્ષા કાજે મોરબી ફાયરની ટીમ ખડેપગે નજરે પડી છે.