મોરબી શહેર વીસીપરા વિસ્તારમાં આવેલ મફતીયાપરા જુના ગોર-ખીજળીયાના રસ્તે ઓરડીઓ પાસેથી એક ઇસમને ગેર-કાયદેસર દેશી હાથ બનાવટના તમંચા સાથે મોરબી એસ. ઓ.જી. ટીમ દ્વારા પકડી પાડવામાં આવ્યો છે. તેની પાસેથી ગેરકાયદેસર દેશી હાથ બનાવટનો તમંચો એક કિં.રૂ.૧૦,૦૦૦/- નો મુદ્દામાલ કબ્જે કરાયો છે.
મળતી માહિતી અનુસાર, મોરબી એસ. ઓ.જી.ટીમ ને બાતમી મળી હતી કે માળિયા મીયાણા વાળો દીનમામદ તાજમામદ ભટ્ટી મોરબીના વીસીપરા મફતીયાપરા જુના ગોરખીજળીયાના રસ્તે આવેલ સિકંદરભાઇ જામની ઓરડીઓ પાસે ઉભેલ છે અને તેની પાસે એક દેશી હાથ બનાવટનો તમંચો છે. જે ઈસમે કાળા કલરનું જાકીટ તથા સફેદ કપડા પહેરેલ છે જે બાતમીને આધારે તે જગ્યા એ રેઇડ કરતા ઇસમને ગેર કાયદેસર દેશી તમંચા કિંમત રૂ.૧૦,૦૦૦ ના મુદામાલ સાથે પકડી મોરબી સીટી બી ડીવીઝન પોલીસ સ્ટેશન ખાતે આર્મ્સ એકટ મુજબ ગુનો દાખલ કરાવી ધોરણસરની કાર્યવાહી હાથ ધરવામાં આવી છે.
