ગુજરાત રાજય પંચાયત કર્મચારી મહાસંઘની સાધારણ સભામાં ગુજરાત રાજ્ય તલાટી મહામંડળના પ્રમુખની કરાઈ બિનહરીફ વરણી

ગુજરાત રાજ્ય તલાટી મહામંડળની વર્ષ ર૦૨૩-૨૬ની મુદત માટે પ્રમુખની ચૂંટણી પ્રક્રિયા હાથ ધરવામાં આવી હતી. ત્યારે આજરોજ ગુજરાત રાજય પંચાયત કર્મચારી મહાસંઘની સાધારણ સભા યોજાઈ હતી. જે સાધારણ સભા ગુજરાત રાજ્ય પ્રાથમિક શિક્ષક સંઘ તથા ગુજરાત રાજ્ય સંયુકત કર્મચારી મોરચાના પ્રમુખ દિગ્વિજયસિંહ જાડેજાના અઘ્યક્ષ સ્થાને ગાંઘીનગર જીલ્લા પંચાયત કચેરીના સભાખંડમા યોજાઈ હતી.જેમા ગુજરાત રાજ્ય પંચાયત કર્મચારી મહાસંઘના નવા પ્રમુખ પંકજભાઈ મોદીની સર્વાનુમતે બિનહરીફ વરણી કરવામાં આવી હતી.