મોરબીના અનસ્ટોપેબલ વોરિયર્સ એનજીઓ દ્વારા દ્વિતિય સમૂહ લગ્નનું આયોજન કરવામાં આવ્યું છે. ગરીબ અને મધ્યમ વર્ગની માતા પિતા વિહોણી 11 દીકરીઓનાં જાજરમાન સમૂહ લગ્નોત્સવ 20-01-2024 ના રોજ યોજવામાં આવશે. તેમજ પત્રકારનું સન્માન પણ અનસ્ટોપેબલ વોરિયર્સ એનજીઓ દ્વારા કરવામાં આવશે.
અનસ્ટોપેબલ વોરિયર્સ એનજીઓ દ્વારા 20-01-2024ને શનિવારના રોજ દ્વિતીય સર્વજ્ઞાતિ સમૂહ લગ્નોત્સવનું આયોજન કરવામાં આવ્યું છે. જેમાં માતા – પીતા વિહોણી 11 દીકરીઓનાં જાજરમાન લગ્નોત્સવ નું આયોજન કરાયું છે. ત્યારે અનસ્ટોપેબલ વોરિયર્સ એનજીઓના આયોજકો દ્વારા ગરીબ પરિવારની માતાની દીકરીઓ પહેલા તે પહેલાના ધોરણે રજિસ્ટર કરાવે તેવી વિનંતી કરી હતી. જે સમાચાર પત્રકારોએ પ્રસિદ્ધ કરતા પત્રકાર મિત્રોનો આભાર માન્યો હતો. તેમજ આ સમુહલગ્નોત્સવમાં તમામ પત્રકાર મિત્રોનું સન્માન કરવામાં આવશે તેવી જાહેરાત પણ આયોજકો દ્વારા કરવામાં આવી હતી.
