મોરબીના દલવાડી સર્કલ નજીક ૨૫ વરીયા પ્રધાનમંત્રી આવાસ યોજનાના બી-૧૦ બ્લોક નં.૪ ની બહાર પાર્ક કરેલ સ્પ્લેન્ડર પ્લસ બાઇકની કોઈ અજાણ્યા વાહન ચોર દ્વારા ચોરી કરી લઈ ગયા અંગેની અત્રેના એ ડિવિઝન પોલીસ મથકમાં ફરિયાદ નોંધાઈ છે.
પ્રાપ્ત વિગતો મુજબ મોરબી દલવાડી સર્કલ પ્રધાનમંત્રી આવાસ યોજનાના બી-૧૦માં આવેલ બ્લોક નં.૪માં રહેતા ગીતાબેન અમૃતભાઈ રામજીભાઈ લુહાર ઉવ.૪૫ એ મોરબી સીટી એ ડિવિઝન પોલીસ મથકમાં આરોપી અજાણ્યા ચોર ઈસમ વિરુદ્ધ ફરિયાદ નોંધાવી કે ગત તા. ૨૧/૦૮ના રોજ રાત્રીના ઉપરોક્ત રહેણાંક બહાર પાર્ક કરવામાં આવેલ હીરો કંપનીનું સ્પેલેન્ડર પ્લસ બાઇક રજી.નં. જીજે-૩૬-એડી-૮૪૯૪ જેની કિ.આશરે રૂ.૫૦ હજારવાળું કોઈ અજાણ્યો વાહન ચોર ઈસમ ચોરી કરી લઈ ગયો હોય. ત્યારે પ્રથમ બાઇક ચોરીની ઇ-એફઆઈઆર નોંધાવ્યા બાદ ગઈકાલે રૂબરૂ પોલીસ મથકે ફરિયાદ નોંધાવવામાં આવી હતી. હાલ પોલીસે બાઇક ચોરી કરનાર આરોપી અજાણ્યા ઈસમ સામે ગુનો નોંધી તપાસના ચક્રો ગતિમાન કર્યા છે.
