મોરબીમાં વધુ એક બાઈક ચોરીની ફરિયાદ પોલીસચોપડે નોંધાવવામાં આવી છે જેમાં મોરબી કંડલા બાયપાસ રોડ ઉપર રવિરાજ ચોકડી નજીક આવેલ પાટીદાર સ્ટોન કારખાનાના ગ્રાઉન્ડમાં ઓફિસના પાર્કિંગમાં પાર્ક કરેલ કર્મચારીના બાઈકની કોઈ અજાણ્યા ચોર ઈસમ ચોરી કરી લઇ ગયાની ફરિયાદ મોરબી તાલુકા પોલીસ મથકમાં નોંધાવવામાં આવી છે.
મળતી માહિતી અનુસાર મોરબી જેતપર(મચ્છુ)ગામે રહેતા તરુણભાઈ ભાણજીભાઈ અઘારા ઉવ.૩૮ એ મોરબી તાલુકા પોલીસ મથકમાં અજાણ્યા ચોર ઈસમો વિરુદ્ધ ફરિયાદ નોંધાવી હતી કે ગત તા.૨૭/૦૧ના રોજ સવારના 4 વાગ્યાની આસપાસ પાટીદાર સ્ટોન કારખાનાનાં ગ્રાઉન્ડમાં ઓફીસ પાસે આવેલ પાર્કિંગમાંથી બ્લેક કલરનું હીરો કંપનીનું પેશન પ્રો મોટર સાયકલ રજીસ્ટ્રેશન નંબર- GJ-36-D-3273 કીંમત રૂપીયા-૨૦,૦૦૦/-નું કોઇ ચોર પાર્કિંગમાથી લોક ખોલી ચોરી કરી લઇ ગયાની ફરિયાદ નોંધાવતા હાલ પોલીસે અજાણ્યા ચોર વિરુદ્ધ ગુનો દાખલ કરી તપાસના ચક્રો ગતિમાન કર્યા છે.
