મોરબીમાં જુગારીઓનો રાફડો ફાટ્યો હોય તેવું લાગી રહ્યું છે. રોજબરોજ જુગાર રમતા ઈસમો પકડાવવાના બનાવો વધી રહ્યા છે. ત્યારે વાંકાનેર સીટી પોલીસ દ્વારા આજે વાંકાનેર સીટી સ્ટેશન રોડ ઉપર રેઈડ કરવામાં આવી હતી અને સ્થળ પરથી જુગાર રમતા ત્રણ શખ્સો ઝડપાયા હતા.
મળતી માહિતી અનુસાર, મોરબી જિલ્લા એસ.પી રાહુલ ત્રિપાઠી દ્વારા મોરબી જીલ્લામાં પ્રોહી-જુગારની બદીઓ દુર કરવા કડક સુચના કરેલ હોય જેથી વાંકાનેર સીટી પોલીસ સ્ટેશનના સર્વેલન્સ સ્ટાફના માણસો કામગીરી કરવા પ્રત્યનશીલ હોય દરમ્યાન તેઓને ખાનગીરાહે હકીકત મળેલ જે હકીકત વાળી જગ્યા વાંકાનેર સીટી સ્ટેશન રોડ ઉપર જાહેરમા હુશેનભાઇ રાયબભાઇ કટીયા, જુમાભાઇ સલેમાનભાઇ રફાઇ તથા સલીમભાઇ દાઉદભાઇ વડગામા નામના ઈસમો ગે.કા રીતે ગંજીપત્તાના પાના અને પૈસા વતી નશીબ આધારીત હારજીતનો જુગાર રમતા ઈસમોને પકડી પાડી પકડાયેલ ઈસમો પાસેથી રોકડા રૂપીયા ૧૦,૨૪૦/- સાથે મળી આવતા સદર મુદ્દામાલ કબ્જે કરી વાંકાનેર સીટી પોલીસ સ્ટેશનમા મજકુર ત્રણેય ઈસમો વિરુધ્ધ જુગારધારા મુજબ ગુન્હો રજીસ્ટર કરી કાયદેસરની કાર્યવાહી કરવામા આવેલ છે.
