મોરબી નવાડેલા રોડ ઉપર પાર્ક કરેલ મોટર સાયકલની ચોરી

મોરબીમાં વધુ એક બાઇક ચોરી અંગે અત્રેના પોલીસ મથકમાં ફરિયાદ નોંધાઈ છે, જેમાં ફેરી કરતા આધેડ હસમુખભાઈ દેવજીભાઈ સોલંકી ઉવ.૪૫ રહે. લજાઈ ગામ તા.ટંકારા વાળાએ પોતાનું હોન્ડા કંપનીનું સી-૧૦૦ મોટર સાયકલ રજી.નં. જીજે-૩૬-એએ-૧૬૧૫ વાળું ગઈ તા. ૦૭/૧૦ના રોજ નવાડેલા રોડ ભવાની ટ્રેડિંગ પાસે આવેલ જાહેર શૌચાલય નજીક પાર્ક કર્યું હતું. જ્યાંથી કોઈ અજાણ્યો ચોર ઈસમ મોટર સાયકલ ચોરો કરી લઈ ગયો હતો. હાલ એ ડિવિઝન પોલીસે ગુનો નોંધી કાયદેસરની કાર્યવાહી હાથ ધરી છે.