મોરબી શહેરના સામાકાંઠા વિસ્તારમાં સમર્પણ હોસ્પિટલ સામે આવેલ કેસરી મોટર ગેરેજના તાળા તોડી અજાણ્યા તસ્કર દ્વારા રીપેરીંગમાં આવેલ અંદાજે ચારેક લાખની કિંમતની મારૂતિ અર્ટિકા કારની ચોરી કરીને લઈ જતા આઠ દસ દિવસ પૂર્વેની ઘટનામાં પોલીસ ફરિયાદ નોંધાઈ છે.
મળતી માહિતી અનુસાર મોરબીના સામાકાંઠે સમર્પણ હોસ્પિટલ સામે ગેરેજ ધરાવતા વિરલભાઇ કિરીટભાઇ માકાસણા (રહે. ગામ-ચરાડવા, તા.જી.મોરબી)ના ગેરેજના દરવાજાની ઇન્ગલ તોડી ઓફીસ અંદર રાત્રીના સમયે પ્રવેશ કરી ટેબલના ખાનામા રાખેલ અર્ટીગા ગાડીની ચાવી ચોરી કરીને અર્ટીગા ગાડી રજી નં. જી.જે.૦૩.એચ.કે.૩૮૭૭ સને ૨૦૧૪ ના મોડેલની જેના એન્જીન નં. D13A5120889 ચેચીસ નં. MA3FLEB1S00323862 વાળી જેની કિ.રૂ. ૪,૦૦,૦૦૦ વાળી ગાડી કોઇ અજાણ્યો ચોર ઇસમ તા.22 ઓગસ્ટના રોજ ઉઠાવી જતા આ મામલે બી ડિવિઝન પોલીસે વિરલભાઈ માકાસણાની ફરિયાદના આધારે અજાણ્યા તસ્કર વિરુદ્ધ ગુન્હો નોંધી તસ્કરને ઝડપી લેવા કાર્યવાહી હાથ ધરી છે.
