મોરબીમાં વિદેશી દારૂ ઝડપાવવાનો સિલસિલો યથાવત રહ્યો છે. મોરબી જિલ્લા પોલીસે ગઈકાલે ત્રણ સ્થળોએ રેઈડ કરી વિદેશી દારૂના જથ્થા ત્રણ ઈસમોને ઝડપી પાડ્યા છે.
પ્રથમ દરોડામાં, મોરબી સીટી એ ડિવીઝન પોલીસની ટીમે બાતમીનાં આધારે મોરબી માધાપર શેરીનં.૨૨ મા રેઈડ કરી સ્મીતભાઇ ઉર્ફે સાહીલ હિતેષભાઇ વિઠલાપરા (રહે.મોરબી માધાપર શેરીનં.૨૨ ) નામના શખ્સને ભારતીય બનાવટના વિદેશીદારૂની ઓફીસર ચોઇસ કલાસીક વ્હીસ્કીની ૪ બોટલોનાં રૂ.૧૨૦૦/-નાં મુદામાલ સાથે પકડી પાડી કાયદેસરની કાર્યવાહી હાથ ધરી છે.
બીજા દરોડામાં, મોરબી સીટી એ ડિવીઝન પોલીસની ટીમે ગઈકાલે બાતમીનાં આધારે મોરબીનાં કન્યા છાત્રાલય રોડ પર રેઈડ કરી જીગરભાઈ બીપીનભાઈ ખખર (રહે હાલ કિષ્ના સોસાયટી નવા બસ સ્ટેન્ડ પાછળ મોરબી મુળ રહે મોટીશેરી દેપારાના ચૌ ચારા પાસે ધાંગધ્રા જી.સુરેદ્રનગર) નામના શખ્સને ભારતીય બનાવટની વિદેશી દારૂની બ્લેન્ડર પ્રાઈડ રેર પ્રીમીયમ વ્હીસ્કીની ૪ બોટલોનાં રૂ.૪૦૦૦/-નાં મુદામાલ સાથે પકડી પાડી કાયદેસરની કાર્યવાહી હાથ ધરી છે.
ત્રીજા દરોડામાં, મોરબી સીટી બી ડિવીઝન પોલીસની ટીમે ગઈકાલે બાતમીનાં આધારે મયુરસિંહ બહાદુરસિંહ સરવૈયા (રહે- હાઉસીંગ બોર્ડ, રામેશ્વર મંદીરની બાજુમા મોરબી-૨) નામના શખ્સને દરીયાલાલ પ્લાઝાની બાજુમાથી ભારતીય બનાવટની વિદેશી દારૂની ગ્રીન લેબલ વ્હીસ્કીની શીલપેક ૦૪ બોટલનાં રૂ.૧,૩૬૦/- નાં મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.
