મોરબી જિલ્લામાં સમયાંતરે અવાર-નવાર વિદેશી દારૂના વિક્રેતાઓ ઉપર પોલીસ તંત્ર દ્વારા ધોંસ બોલાવી, મુદ્દામાલ સાથે આરોપીઓની ધરપકડ કરવામાં આવે છે. ત્યારે ગઈકાલે મોરબી સીટી એ/બી ડિવિઝન પોલીસે બે સ્થળોએ રેઈડ કરી વિદેશી દારૂના જથ્થા સાથે ત્રણ ઈસમોને પકડી પાડી કાયદેસરની કાર્યવાહી હાથ ધરી છે.
પ્રથમ દરોડામાં, મોરબી સીટી એ ડિવીઝન પોલીસ સ્ટેશનની ટીમ પેટ્રોલિંગમાં હતી. ત્યારે તેઓને બાતમી મળી હતી કે, માધાપર શેરી નં.૨૨ ખાતે આવેલ દશરથસિંહ વનરાજસિંહ ઝાલાના રહેણાંક મકાને ગેર કાયદેસર પાસ પરમીટ કે આધાર વગર ભારતીય બનાવટના વિદેશી દારૂનું વેચાણ થાય છે. જે હકીકતના આહારે પોલીસે સ્થળ પર રેઈડ કરી કાઉન્ટ્રી ક્લબ ડીલક્ષ વ્હીસ્કીનાં રૂ.૫૫૦૦/-ની કિંમતનાં ૫૫ ચપલા કબ્જે કરી દશરથસિંહ વનરાજસિંહ ઝાલા (રહે માધાપર શેરી નં.૨૨ મોરબી) તથા જીગ્નેશભાઈ રૈયાભાઈ ટોટા (રહે નવલખીરોડ ન્યુ રેલ્વે સ્ટેશન પાસે મોરબી) નામના ઈસમોની સ્થળ પરથી અટકાયત કરી છે.
બીજા દરોડામાં, મોરબી સીટી બી ડિવિઝન પોલીસે બાતમીનાં આધારે મહેંદ્રનગર ચોકડીની બાજુમા, ઘુટુ રોડ, કેશરી પાનની સામે રેઈડ કરી ફીરોજભાઇ અલીયાસભાઇ હીંગોળજા (રહે-ધ્રાગધ્રા, કુડા ફાટક પાસે, જાંગસર તળાવ પાસે જી.સુરેન્દ્રનગર) ગેરકાયદેસર પાસ પરમીટ કે આધાર વગર ભારતીય બનાવટની વિદેશી ઇંગ્લીશ દારૂની ઓફીસર ચોઇસ ક્લાસીક વ્હીસ્કીની કાચનાં શીલપેક રૂ. ૭૦૦૦/-ની કિંમતના ૭૦ ચપલાનો મુદામાલ વેચાણ કરવાનાં ઇરાદે પોતાનાં કબ્જામાં રાખી હાજર મળી આવતા આરોપી અટકાયત કરી અકાયદેસરાની કાર્યવાહી હાથ ધરવામાં આવી છે.
