રાજકોટ રેન્જ આઇ.જી. અશોકકુમાર યાદવ તથા મોરબી જિલ્લા એસ.પી. રાહુલ ત્રિપાઠી દ્વારા પ્રોહી/જુગારની અસમાજીક પ્રવૃતિ નેસ્તનાબુદ કરવા સખત સુચના આપવામા આવેલ હોય જે અનુસંધાને કામગીરી કરતા દરમિયાન ટંકારા પોલીસ દ્વારા ટંકારાનાં ઉગમણા ઝાપા પાસેથી જુગાર રમતા ત્રણ શખ્સો પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, ટંકારા પોલીસ સ્ટેશનની ટીમ ગઈકાલે પેટ્રોલિંગમાં હતી. ત્યારે તેઓને ખાનગી રહેલ મળેલ ચોક્કસ હકિકતનાં આધારે ટંકારા ઉગમણા ઝાપા પાસે રેઇડ કરતા સ્થળ પરથી જાહેરમાંથી ગંજી પતાના પાના વડે પૈસાની હારજીતનો તીન પતીનો રોન પોલીસનો જુગાર રમતા જીગ્નેશભાઈ કાળુભાઈ ઉઘરેજા, મેરૂભાઇ ભુદરભાઈ સારેસા તથા મોતીભાઇ છગનભાઇ જાદવ નામના ઈસમો રોકડા રૂ ૧૦,૫૦૦/-ના મુદ્દામાલ સાથે મળી આવતા ત્રણેય ઇસમો વિરુધ્ધ જુગારધારા કલમ-૧૨ મુજબ ગુન્હો નોંધી કાયદેસરની કાર્યવાહી હાથ ધરવામાં આવી છે.
