છેલ્લા ઘણા સમયથી દરરોજ જુગાર રમતા ઈસમો પકડાવવાના બનાવો સામે આવી રહ્યા છે. પોલીસ દરોડાઓ પાડી રહી છે અને રાજ્યભરમં ઘણાં સ્થળેથી મોટી રકમ સાથે તો કેટલાક સ્થળેથી મામુલી રકમ સાથે જુગાર રમી રહેલા લોકો પકડાય છે. ત્યારે ગઈકાલે મોરબી સીટી બી ડિવીઝન પોલીસની ટીમે ઇન્દીરાનગર મંગલમ્ પાસે જાહેર શેરીમાંથી બે મહિલા સહીત ત્રણ ઈસમોને જુગાર રમતા પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી સીટી બી ડિવીઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, ઇન્દીરાનગર મંગલમ્ પાસે જાહેર શેરીમાં અમુક ઈસમો ગંજીપતાના પાના વડે તીન પતીનો જુગાર રમી રહ્યા છે. જે હકીકતના આધારે પોલીસે સ્થળ પર રેઈડ કરી હકેશભાઇ સોમાભાઇ પુરબીયા (રહે.વિદ્યુતનગરના ઢાળ પાસે મોરબી-૨), જયાબેન ગોરધનભાઇ માજુસા (રહે.ઇન્દીરાનગર મંગલમ વિસ્તાર મોરબી-૨) તથા ભાવનાબેન ભગવાનભાઇ અગેચાણીયા (રહે.વિદ્યુતનગરના ઢાળ પાસે મોરબી-૨) નામના શખ્સોને પકડી પાડી કાયદેસરની કાર્યવાહી હાથ ધરી છે.
