ટંકારામાં ભૂંડ પકડવા બાબતે થયેલ બોલાચાલી ઝઘડામાં પોલીસમાં અરજી કર્યા બાબતનો ખાર રાખી અરજી કરનારના ભાઈને માર મારી મોટર સાયકલમાં નુકસાની કરી હતી. જેમાં ટંકારા-લતીપર ચોકડી નજીક યુવકના બાઇકને આંતરી ત્રણ શખ્સોએ હુમલો કરી મૂંઢ ઇજાઓ પહોંચાડી હતી.
ટંકારા-લતીપર ચોકડી નજીક તા.૨૬/૧૧ ના બપોરે ગુરમુખસિંગ કમલસિંગ બાવરી ઉપર ત્રણ શખ્સોએ હુમલો કર્યો હતો. ફરિયાદ મુજબ, અગાઉ ભૂંડ પકડવા બાબતની બોલાચાલી થતા ભોગ બનનારના ભાઈ ફરિયાદી કલ્લુસીંગ ઉર્ફે સતપાલસિંગ કમલસિંગ બાવરી રહે.ટંકારા જમજમનગર સોસાયટી સરદાર સ્કુલ પાસે વાળાએ પોલીસમાં અરજી કરી હતી, જેનો ખાર રાખી આરોપીઓ મખનસીંગ મહેન્દ્રસિંહ બાવરી, ક્રિપાલસિંહ મહેન્દ્રસિંહ બાવરી અને ભગતસિંહ ઉર્ફે જગ્ગી મહેન્દ્રસિંહ બાવરી રહે. સરદાર સોસાયટી ટંકારા વાળાએ ગુરમુખસિંગના બાઇક રજી.નં. જીજે-૦૪-ડીક્યુ-૮૦૭૫ને ઉભું રખાવી યુવકને ત્રણ ચાર ઝાપટ મારી તેના મોટર સાયકલમાં નુકસાની કરી હતી. ત્યારે સમગ્ર બનાવ અંગે ટંકારા પોલીસ મથકમાં ફરિયાદી કલ્લુસીંગ ઉર્ફે સતપાલસિંગ દ્વારા ફરિયાદ નોંધાવતા પોલીસે ત્રણેય આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે









