મોરબી નગરપાલિકાની ડમ્પિંગ સાઈટ પરથી રવાપર ગ્રામ પંચાયતના ટ્રેકટર ડ્રાઇવરે ભંગાર ચોરી કરી

મોરબીનાં જાંબુડીયા ગામે વધુ એક ચોરીનો બનાવ સામે આવ્યો છે. જેમાં રવાપર ગ્રામ પંચાયતના ટ્રેકટરનો ડ્રાઇવર દ્વારા જ મોરબી નગરપાલિકાના ડમ્પીંગ સાઇડના ખુલ્લા સેડમાં પડેલ ભંગાર ચોરી ગયેલ હોવાનું સામે આવ્યું છે.

મળતી માહિતી અનુસાર, મોરબી નગરપાલિકાના ડમ્પીંગ સાઇડના ખુલ્લા સેડમાં રાખેલ ૩૦ નાની-મોટી ચેનલ, ૪૦ કે.ચી. એંગલ તથા ૨૧ નાના-મોટા ગોળ પાઇપ અંદાજીત વજન આશરે દોઢેક ટન જેની આશરે કિંમત રૂ.૫૨,૦૦૦/- ની છે. જે મત્તાની રવાપર ગ્રામ પંચાયતના ટ્રેકટરનો ડ્રાઇવર મનુભાઇ આદીવાસી (રહે. લીલાપર ચોકડી) ચોરી જતા સમગ્ર મામલે મોરબી તાલુકા પોલીસે ગુન્હો નોંધી આરોપીની અટકાયત કરી છે. અને કાયદેસરની કાર્યવાહી હાથ ધરી છે.