મોરબીનાં પાડાપુલ પાસે જી.ઇ.બી. ડી-ટાઇપ કવાટર્સમાં ઘરફોડ ચોરી થયાની ઘટના સામે આવી છે. જેમાં પરિવાર પોતાના વતનમા ભાવનગર ગયેલ હોય અને ઘર બંધ હોય જેનો લાભ લઈ તસ્કરોએ ગેર કાયદેસર મકાનના મેઇન દરવાજાનો નકુચો તોડી મકાનમા પ્રવેશ કરી ચોરી કરી રફુચક્કર થયા હતા. જે સમગ્ર મામલે મોરબી સીટી બી ડિવિઝન પોલીસે ગુન્હો નોંધી કાયદેસરની કાર્યવહી હાથ ધરી છે.
મળતી માહિતી અનુસાર, મોરબીનાં પાડાપુલની બાજુમા જી.ઇ.બી. ડી-ટાઇપ કવાટર્સમાં રહેતા જયેશગીરી ચંદ્રકાંતગીરી ગોસ્વામી ગત તા-૦૬/૧૧/૨૦૨૩ ના રોજ પોતાના વતનમા ભાવનગર ગયેલ હોય અને ઘર બંધ હોય ત્યારે કોઇ અજાણ્યા ચોર ઇસમે મકાનના મેઇન દરવાજાનો નકુચો તોડી મકાનમા પ્રવેશ કરી ઘરમા લોખંડના કબાટના લોક તોડી અંદર રાખેલ સોનાની ૦૧ જોડી બુટી તથા ૦૧ વિટી ૧ બન્ને મળી આશરે ૦૭ ગ્રામની કિંમતનો રૂ.૩૫,૦૦૦/- તથા રૂ-૬૦૦૦/-ની કિંમતનાં ચાંદિના દાગીના તથા રોક્ડ રૂ.૨૫૦૦૦/- ના મળી કુલ રૂપીયા-૬૬,૦૦૦/-ની મતાની ચોરી કરી લઇ ગયેલ હોય જેની ફરિયાદી તા-૨૬/૧૧/૨૩ના રોજ પરત આવતા તેઓને જાણ થતા તેઓએ તાત્કાલિક મોરબી સીટી બી ડિવિઝન પોલીસને જાણ કરતા પોલીસ કાફલો ઘટનાસ્થળે પહોંચ્યો હતો, અને ગુન્હો દાખલ કરી તસ્કરોને પકડવા ચક્રો ગતિમાન કર્યા હતા.
