મોરબીનાં જુના રફાળેશ્વર રોડ ઉપર ભડીયાદ ગામની સીમમા આવેલ મીલેનીયા તથા ઓમકેન સિરામિક કારખાનાની વચ્ચે આવેલ રેલ્વેના પાટા ઉપર ટ્રેન હડફેટે આવી જતા એક યુવકનું મોત નીપજ્યું છે. જયારે એક અન્ય શખ્સ ગંભીર રીતે ઘવાતા તેને તાત્કાલિક સારવારમાં ખસેડવામાં આવ્યો છે.
મળતી માહિતી અનુસાર, મોરબીમાં ઘુંટું રોડ આઇ.ટી.આઇ.ની સામે પાણીના ટાંકાથી આગળ મુકેશભાઇ પટેલની વાડીએ રહેતા મૂળ એમ.પી.નાં બાબુભાઇ સપ્પાભાઇ મસાર તથા એક અજાણ્યો માણસ એમ બન્ને જુના રફાળેશ્વર રોડ ઉપર ભડીયાદ ગામની સીમમા આવેલ મીલેનીયા તથા ઓમકેન સિરામિક કારખાનાની વચ્ચે રેલ્વેના પાટા ઉપર કોઇ કારણોસર માલગાડી(ટ્રેન)ની હડફેટે આવી જતા બાબુભાઇ સપ્પાભાઇ મસારને શરીરે ગંભીર ઇજા થતા મરણ જતા તથા અજાણ્યા માણસને શરીરે ગંભીર ઇજા થતા હોસ્પિટલ ખસેડવામાં આવ્યા હતા. તેમજ સમગ્ર મામલે મોરબી તાલુકા પોલીસે ગુન્હો નોંધી કાયદેસરની કર્યવાહી હાથ ધરી છે.
