ટંકારા તાલુકાના ગ્રામ્ય વિસ્તારમાં અપહરણ કરી બળત્કારના ગુનોમાં ફસાવી દેવાની ધમકી આપી પાંચલાખ પડાવી લેવાના ચકચારી હનીટ્રેપના ગુનામાં બે આરોપીઓનો શરતી જામીન પર છુટકારો થયો છે.
આ ગુન્હામા હરીપર ગામના ફરીયાદીશ્રીના મોબાઇલ ફોનમાં અગાઉ એક અજાણ્યા નંબર પરથી કોલ આવતા તે સ્ત્રી દેવુબેન ઉર્ફે પુજાબેનના સંપર્કમાં આવેલા અને તે પુજા સાથે પરીચય કેળવી તા.૧૭/૦૧/૨૦૨૫ ના રોજ પુજાને કારમાં મળવા ગયેલા ત્યારે છતર ગામ નજીક એક સ્વીફટ કારમાં (૧) સંજય પટેલ (૨) હાર્દીક મકવાણા (3) રૂત્વીક રાઠોડ તેમજ બીજા મળી કુલ પાંચ ઇસમો વિરુધ્ધ ફરીયાદીશ્રીનુ અપહરણ કરી, મારમારી બળાત્કારના કેશમાં ફસાવી દેવાની ધાકધમકી આપી કુલ રૂપીયા-૫,૦૦,૦૦૦/- હનીટ્રેપ કરી પડાવી લીધેલ હોવાની ફરીયાદીશ્રીએ તા.૧૯/૦૧/૨૦૨૫ ના રોજ ટંકારા પોલીસ સ્ટેશને ફરીયાદ જાહેર કરતા પોલીસે એ પાર્ટ ગુ.ર.નં. ૦૦૪૬/૨૦૨૫ બી.એન.એસ. કલમ ૧૧૫(૧),૩૫૧(૨),૩૦૮(૭),૧૪૦(૩),૬૧ મુજબનો ગુનો રજિસ્ટર કરવામાં આવેલ જે ગુનાની તપાસ દરમ્યાન ખાનગી રાહે હકિકત મળેલ કે, સદરહ્ ગુનામાં ઉપયોગ થયેલ સ્વીફટ કાર નં.GJ-36-AJ-9172| આરોપીઓ ટંકારા ઓવર બ્રિજના છેડે નવા બનતા શ્રીરામ પ્લાઝા કોમ્પ્લેક્ષ પાસેથી નીકળનાર છે. જે હકિકત આધારે પોલીસ ઇન્સ્પેકટ કે.એમ.છાસીયાના સીધા માર્ગદર્શન હેઠળ ટંકારા પોલીસ સ્ટાફની ટીમ વોચ તપાસમાં હતી. દરમ્યાન હકિકત વાળી સ્વીફટ કાર આવતા તેને રોકી તપાસ કરતા આરોપીઓ (૧) સંજયભાઇ ભીખાભાઇ ડારા ઉ.વ. ૨૪ રહે. ખેવારીયા તા.જી.મોરબી (૨) હાર્દીકભાઇ કીશોરભાઇ મકવાણા ઉ.વ. ૨૭ રહે. નાની વાવડી તા.જી.મોરબી (૩) દેવુબેન ઉર્ફે પુજા ઉર્ફે દિવ્યા વા/ઓ રમેશભાઇ જાદવ ઉ.વ. ૩૪ રહે. ટંકારા જી.મોરબી(૪)રમેશભાઇ કાળુભાઇ જાદવ ઉ.વ. ૪૫ રહે. ટંકારા જી.મોરબીને રોકડા રૂપીયા-૫,૦૦,૦૦૦/- અલગ અલગ કંપનીના મોબાઇલ ફોન નંગ-૦૫ કી.રૂ. ૨૩,૦૦૦/ મારૂતી સ્વીફટ નંબર-GJ-36-AJ-9172કી.રૂ.૩,૦૦,૦૦૦/-અન્ય મુદામાલ કુલ કી.રૂ. ૮,૨૫,૫૦૦/- નો મુદામાલકબ્જે કરી આરોપી ઓને પકડી પાડી આગળની કાર્યવાહી હાથ ધરી હતી.
ત્યારે આ ગુન્હામા કારખાનેદારને હનીટ્રેપમાં ફસાવવા માટે મદદ કરી હોવાના આરોપમાં ઋત્વિક દિનેશભાઇ રાઠોડ તથા કલોલા યશ કિશોરભાઈની ધરપકડ કરવામાં આવતા આરોપીએ વકીલ મારફત નામદાર સેશન્સ કોર્ટ મોરબીમાં જમીન અરજી કરતા યુવા એડવોકેટ ટી. બી. દોશી તથા કેતન બી ચૌહાણ, દેવેન આર ચૌહાણની દલીલો અને રજુ થયેલ પુરાવા ને ધ્યાને લઇ આરોપી ઋત્વિક દિનેશભાઇ રાઠોડ તથા કલોલા યશ કિશોરભાઈને ૨૫ હજારના સધ્ધર જામીન અને એટલી રકમના જાત મુચરકા સાથે શરતી જામીન પર મુકત કરવાનો નામદાર કોર્ટે હુકમ કર્યો હતો આ અરજીના કામે વકીલ તરીકે યુવા ધારાશાસ્ત્રી ટી. બી. દોશી તથા કેતન બી ચૌહાણ, દેવેન આર ચૌહાણ રોકાયેલ હતા.
