મોરબીમાં દારૂ પકડવાનો સિલસિલો યથાવત રહ્યો છે. ત્યારે ગઈકાલે મોરબી સીટી એ ડિવીઝન પોલીસે બીયરના ટીન સાથે એક ઈસમને પકડી પાડ્યો છે. જયારે મોરબી તાલુકા પોલીસે વિદેશી દારૂની બોટલો સાથે એક શખ્સને જેલ હવાલે કર્યો છે.
પ્રથમ દરોડામાં, મોરબી સીટી એ ડિવીઝન પોલીસે બાતમીનાં આધારે લીલાપર રોડ હોથીપીરની દરગાહ પાસે ઇમ્તીયાજભાઇ હુશૈનભાઇ કુરેશી (રહે. કાલીકા પ્લોટ શેરી નં.-૨ ઇન્ડીયા પાનની બાજુમા મોરબી) નામના શખ્સને રોકી શખ્સની પૂછપરછ કરાતા સંતોષકારક જવાબ ન મળતા પોલીસે આરોપીની તપાસ કરતા ઇમ્તીયાજભાઇ હુશૈનભાઇ કુરેશી પાસેથી ભારતીય બનાવટના કિંગફીશર સુપર સ્ટ્રોંગ પ્રિમિયમ બીયરનાં ૦૨ ટીન મળી આવ્યા હતા. જેનો રૂ.૨૦૦/- નો મુદામાલ પોલીસે કબ્જે કરી આરોપીની અટકાયત કરી છે.
બીજા બનાવમાં, મોરબી તાલુકા પોલીસની ટીમે બાતમીનાં આધારે ફડસર ગામમાં રમેશભાઇ બાબુભાઇ ગોગરાના મકાનમાં રેઈડ કરી તેના બેડરૂમમાંથી ભારતીય બનાવટની ઓફીસર ચોઇસ કલાસીક વ્હીસ્કીની કાચની કંપની શીલપેક કુલ રૂ.૯૦૦ની કિંમતની ૦૩ બોટલનો મુદ્દામાલ કબ્જે કરી આરોપીની અટકાયત કરી હતી.
