મોરબીના કાલિકા પ્લોટમાં રહેણાંકમાંથી વિદેશી દારૂની બે બોટલ ઝડપાઇ,આરોપી ફરાર.

મોરબીના કાલિકા પ્લોટ મેઈન શેરીમાં આવેલ રહેણાંક મકાનમાં એ ડિવિઝન પોલીસ ટીમ દ્વારા રેઇડ કરતા મકાનમાંથી વિદેશી દારૂની બે બોટલ મળી આવી હતી, આ સાથે આરોપી હાજર નહીં મળી આવતા તેને ફરાર દર્શાવી પોલીસે આરોપીને પકડી લેવા ચક્રો ગતિમાન કર્યા છે.

મોરબી શહેરના કાલિકા પ્લોટ વિસ્તારમાં મેઈન શેરીમાં રહેણાંકમાં વિદેશી દારૂ રાખી તેનું વેચાણ થઈ રહ્યું હોવાની મળેલ બાતમીને આધારે સીટી એ ડિવિઝન પોલીસે આરોપી અમિતભાઇના મકાનમાં રેઇડ કરી હતી, ત્યારે પોલીસે મકાનમાંથી વિદેશી દારૂ રોયસલ ચેલેન્જ વ્હિસ્કીની ૨ નંગ બોટલ કિ.રૂ.૬૦૦/-મળી આવી હતી, જ્યારે આરોપી અમિતભાઇ મોહનભાઇ ભાનુશાળી દરોડા દરમિયાન હાજર નહિ મળી આવતા તેને આ કેસમાં ફરાર દર્શાવી આગળની તપાસ ચલાવી છે.