બિગ બેસ લીગની ૨૦-૨૦ ક્રિકેટ મેચ ઉપર મોબાઇલ એપથી રનફેરનો જુગાર રમતા હતા.
મોરબી સીટી એ ડિવિઝન પોલીસ ટીમે પૂર્વ બાતમીને આધારે શહેરના નવલખી રોડ ગાયત્રીનગર મેઈન રોડ ઉપર મોબાઈલમાં ઓનલાઇન એપ મારફત ક્રિકેટ મેચ નિહાળી રનફેરના સોદાઓનો જુગાર રમી રહેલ ૨ જુગારીને પકડી લેવામાં આવ્યા છે, જ્યારે બીજીબાજુ રનફેરનો જુગાર સામે છેડે રમતા કાલિકા પ્લોટના એક શખ્સનું નામ ખુલ્યું હતું. આ સાથે પોલીસે મોબાઇલ, રોકડ સહિત રૂ.૭,૫૦૦/-નો મુદ્દામાલ કબ્જે લઈ ત્રણ આરોપીઓ સામે ગુનો નોંધી આગળની તપાસ ચલાવી છે.
મળતી માહિતી અનુસાર, સીટી એ ડિવિઝન પોલીસ ટીમને બાતમી મળેલ કે મહેન્દ્રપરા શેરી નં. ૩ માં રહેતો રમેશ કેશવાણી ગાયત્રીનગર મેઈન રોડ ઉપર જાહેરમાં પિતાના મોબાઇલ ફોનમાં બિગ બેસ લીગની ચાલી રહેલ ૨૦-૨૦ ક્રિકેટ મેચ ઉપર મોબાઇલમાં લાઈવ નિહાળી જુગાર રમી રનફેરના સોદાઓ લેતો હોય જે મુજબની બાતમીને આધારે પોલીસ ટીમે નવલખી રોડ ગાયત્રીનગર મેઈન રોડ ઉપર રેઇડ કરી હતી
રેઇડ દરમિયાન આરોપી રમેશભાઈ જયેંદ્રભાઈ કેશવાણી ઉવ.૪૩ રહે.મહેન્દ્રપરા શેરી નં. ૩ તથા આરોપી રોહિતભાઈ ગોપાલભાઈ સોલંકી ઉવ.૩૪ રહે.નવલખી રોડ ગાયત્રીનગર મેઈન રોડ મૂળરહે.મોરબી વજેપરવાળાને મોબાઇલમાં ઓનલાઇન ગુરુ એપ્લિકેશનમાં ૨૦-૨૦ ક્રિકેટ મેચ ઉપર રનફેર ઉપર પૈસાની હારજીતનો આરોપી અલ્તાફભાઈ ચાનીયા રહે. મોરબી કાલિકા પ્લોટ સાથે જુગાર રમતા રંગેહાથ ઝડપી લેવામાં આવ્યા હતા, પોલીસે સ્થળ ઉપરથી સેમસંગ મોબાઇલ કિ.રૂ.૫ હજાર, રોકડા ૨,૫૦૦/- સહિત ૭,૫૦૦/-નો મુદ્દામાલ જપ્ત કરી ત્રણેય આરોપીઓ સામે જુગારધારા હેઠળ ગુનો નોંધી હાજર નહિ મળી આવેલ આરોપીની અટક કરવા સહિતની તજવીજ હાથ ધરી છે.
