મોરબીના સોખડા ગામે ખેતરમાં દાટેલી વિદેશી દારૂની ૨૪ બોટલ સાથે બે સગા ભાઈઓ પકડાયા

મોરબી તાલુકાના સોખડા ગામે પોલીસે રેઇડ કરતા વેચાણ કરવાના ઇરાદે ખેતરમાં દાટેલી વિદેશી દારૂની ૨૪ બોટલ સાથે બે સગા ભાઈઓની અટકાયત કરવામાં આવી છે.

મોરબી ટુક પોલીસ ટીમે પૂર્વ બાતમીને આધારે મોરબી-માળીયા હાઇવે ઉપર સોખડા ગામની સીમમાં આવેલ આરોપીના ખેતરમાં દરોડો પાડતા વેચાણ કરવાને ઇરાદે ખેતરમાં દાટીને છુપાવેલી વિદેશી દારૂની મેકડોવેલ્સ વ્હિસ્કીની ૨૪ બોટલ મળી આવી હતી, આ સાથે આરોપી સંજયભાઇ મનસુખભાઇ થરેસા ઉવ-૩૩ તથા ગણેશ ઉર્ફે સતીષ મનસુખભાઇ થરેસા ઉવ-૨૪ બંને રહે.સોખડા તા.જી.મોરબીની સ્થળ ઉપરથી અટકાયત કરવામાં આવી બંને આરોપીઓ સામે પ્રોહી. એક્ટ હેઠળ ગુનો નોંધી આગળની ધોરણસરની કાર્યવાહી હાથ ધરી છે.