વાંકાનેરમાં વરલી ફિચરનો જુગાર રમાડતા બે ઈસમો ઝડપાયા

વાંકાનેર સીટી પોલીસ દ્વારા દારૂ જુગાર ની બદી ડામવા કાર્યરત હોય તે દરમિયાન શહેરમાં આવેલ ગ્રીન ચોક વિસ્તારમાં વરલી ફિચરનો જુગાર રમતા બે ઈસમો ને ઝડપી લેવામાં આવ્યા છે.

જે અંગે વધુ વિગત મુજબ વાંકાનેર સીટી પોલીસનો સ્ટાફ પેટ્રોલિંગ માં હોય તે દરમિયાન પોલીસને બાતમી મળી હતી કે શહેરના ગ્રીન ચોક વિસ્તારમાં બે ઈસમો વરલી નો જુગાર રમી અને રમાડી રહ્યા છે જેથી પોલીસ દ્વારા બાતમી મુજબના સ્થળ પર દરોડો પાડી વરલી ફીચર નો જુગાર રમતા અને રમાડતા બે ઈસમો હનીફ બચુભાઇ ભટ્ટી (ઉ.વ ૬૨,રહે.વાંકાનેર સિપાઈશેરી) અને અસલમભાઈ અબ્દુલભાઇ મન્સૂરી (ઉ.વ.૫૦ રહે. લક્ષ્મી પરા શેરી નં ૩ વાંકાનેર) વાળાંને રોકડ રકમ રૂપિયા ૧૦૨૫૦ ,એક મોબાઈલ ફોન કી. રૂ.૫૦૦,ગ્રાહકો પાસેથી રોકડ રૂ.૧૧૫૦ મળી કુલ રૂપિયા ૧૧૯૦૦ ના મુદામાલ સાથે ઝડપી પાડી કાર્યવાહી હાથ ધરી હતી.