રાજકોટ રેન્જ આઈ.જી. અશોકકુમાર યાદવ તથા મોરબી જિલ્લા એસ.પી. રાહુલ ત્રિપાઠી દ્વારા પ્રોહીબીશન-જુગારની અસામાજીક પ્રવ્રુતી નેસ્તનાબુદ કરવા સખત સુચના આપવામાં આવી હતી, જે અન્વયે કામગીરી કરતા દરમિયાન વાંકાનેર તાલુકા સર્વેલન્સ ટીમ દ્વારા દેશી દારૂ ભરેલ સ્વીફટ કાર સાથે બે ઈસમોને પકડી પાડવામાં આવ્યા છે.
મળતી માહિતી અનુસાર, વાંકાનેર તાલુકા સર્વેલન્સ ટીમ પેટ્રોલિંગમાં હતી. તે દરમિયાન તેઓને બાતમી મળી હતી કે, વાંકાનેર તાલુકાના મેસરીયા ગામની સીમમાથી એક કર પસાર થવાની છે. જેમાં દેશી ભરેલ કાર નીકળનાર છે જે બાતમીનાં આધારે વાંકાનેર તાલુકા સર્વેલન્સ ટીમ દ્વારા વોચમાં રહી મેસરીયા ગામની સીમમા ચાંમુડા હોટલ પાસે રોડ પરથી મારૂતી સુજુકી કંપનીની GJ-01-RG-3484 નંબરની સફેદ કલરની સ્વીફટ કારને રોકી તેમાં તપાસ કરતા કારમાંથી દેશી દારૂનો જથ્થો મળી આવ્યો હતો. ત્યારે પોલીસે રૂ.૨૧,૦૦૦/-ની કિંમતનો ૧૦૫ લીટર દેશી દારૂ તથા રૂ.૧,૫૦,૦૦૦/- ની સ્વીફટ કાર મળી કુલ રૂ.૧,૭૧,૦૦૦/- ના મુદ્દામાલ સાથે રામકુભાઈ સાદુળભાઈ વિકમા તથા મનુભાઈ નરશીભાઈ મકવાણા નામના બે ઇસમોને પકડી પાડી બંને ઇસમો વિરૂધ્ધ પ્રોહીબીશન મુજબનો ગુન્હો નોંધી કાયદેસરની કાર્યવાહી હાથ ધરવામાં આવી છે.
