મોરબીના વીસીપરા વિસ્તારમાં આવેલ વીશી ફાટક પાસે રોડ ઉપરથી વધુ એક મારામારીની ઘટના સામે આવી છે. જેમાં બે ઈસમો આમ જનતાને ખલેલ પહોચે તેમ છુટા હાથથી મારામારી કરી બખેડો કરતા હોય જેથી પોલીસે સ્થળ પર પહોંચી બંને ઈસમોને પકડી પાડી જેલ હવાલે કર્યા છે.
મળતી માહિતી અનુસાર, મોરબી સીટી બી ડિવિઝન પોલીસની ટીમ ગઈકાલે પેટ્રોલિંગમાં હતી. ત્યારે વીસીપરા વિસ્તારમાં આવેલ વીશી ફાટક પાસે રોડ ઉપર બે ઈસમો લાઇટના અજવાળે જાહેરમાં આમ જનતાને ખલેલ પહોચે તેમજ જાહેર સુલેહ ભંગ થાય તેવી રીતે એકબીજા છુટા હાથથી મારામારી કરી બખેડો કરતા હોવાની વાત મળતા જ પોલીસ કાફલો ઘટનાસ્થળે પહોંચ્યો હતો અને જગદીશભાઇ ઉર્ફે જગ્ગો ગોરધનભાઇ ડાભી (રહે-મોરબી વીશીપરા મેઇન રોડ શક્તિ પાનની બાજુમા) તથા અર્જુનભાઇ સુરેશભાઇ ઓગાણીયા (રહે-મોરબી વીશીપરા શક્તિ મેડીકલ પાછળ શેરી નં ૨) નામના શખ્સોને પકડી પાડી આઇ.પી.સી. કલમ ૧૬૦ મુજબ બંને વિરુદ્ધ ગુન્હો નોંધી કાયદેસરની કાર્યવાહી હાથ ધરી છે.
