મોરબીમાં વિદેશી દારૂની વધતી જતી બદીને અટકાવવા મોરબી જિલ્લા પોલીસ દ્વારા એક બાદ એક દારૂના વિક્રેતાઓ પર રેઈડ કરી કાયદેસરની કાર્યવાહી કરવામાં આવી રહી છે. ત્યારે ગઈકાલે વાંકાનેર તાલુકા પોલીસ તથા ટંકારા પોલીસે એક-એક સ્થળોએથી પેન્ટના નેફામા વિદેહી દારૂની બોટલો નાખી હેરાફેરી કરતા એક-એક શખ્સોને પકડી પાડી કાયદેસરની કાર્યવાહી હાથ ધરી છે.
પ્રથમ દરોડામાં, વાંકાનેર તાલુકા પોલીસની ટીમ પેટ્રોલિંગમાં હતી. ત્યારે તેઓએ શંકાના આધારે જામસર થી ઓળ ગામ રોડ પર આવેલ એકશન પેપટ મીલ પાસે વિપુલભાઇ મનસુખભાઇ વીંઝવાડીયા (રહે.ભીમગુડા તા.વાંકાનેર જી.મોરબી) નામના શખ્સને રોકી તેની પૂછપરછ કરતા સંતોષકારક જવાબ ન મળતા તેની તપાસ કરી હતી. ત્યારે આરોપીના પેન્ટના નેફામાંથી ભારતીય પરપ્રાંત બનાવટની રોયલ ચેલેન્જ ફાઇન રીર્ઝવ વ્હિસ્કીની રૂ.૫ર૦/-ની કિંમતની એક બોટલ મળી આવતા પોલીસે આરોપીની અટકાયત કરી કાયદેસરની કાર્યવાહી હાથ ધરી છે.
બીજા દરોડામાં, ટંકારા પોલીસની ટીમે પેટ્રોલિંગ દરમિયાન અમરાપર ગામના પુલીયા પાસે શંકાસ્પદ જનતા એક શખ્સને રોકી તેની પૂછપરછ કરતા આરોપીએ સંતોષકારક જવાબ આપે ન હોય જેથી પોલીસે તેની તપાસ કરતા સાર્દુળભાઇ ઝાલાભાઇ લાંબરીયા (રહે-ટંકારા ડેરીનાકા તા- ટંકારા જી.મોરબી)ના પેન્ટના નેફામાથી ભારતીય બનાવટની ઇગ્લીશ દારૂની કાચની MCDOWELLS-NO-1 કલેકશન વ્હીસ્કીની ૦૧ બોટલ મળી આવતા પોલીસે રૂ.૩૦૦/-ની કિંમતની બોટલ કબ્જે કરી સાર્દુળભાઇ ઝાલાભાઇ લાંબરીયાની અટકાયત કરી કાયદેસરની કાર્યવાહી હાથ ધરી છે.
