મોરબીમાં વિદેશી દારૂ ઝડપાવવાનો સિલસિલો યથાવત રહ્યો છે. જેમાં મોરબી સીટી એ/બી ડિવિઝન પોલીસ દ્વારા બે સ્થળોએ રેઇડ કરી બે ઈસમોને વિદેશી દારૂના જથ્થા સાથે પકડી પાડવામાં આવ્યા છે. અને કાયદેસરની કાર્યવાહી કરવામાં આવી છે.
પ્રથમ બનાવમાં, મોરબી સીટી એ ડિવીઝન પોલીસ દ્વારા બાતમીના આધારે પંચાસર રોડ રાજનગર પાસે રેઇડ કરવામાં આવી હતી અને જાહેરમાંથી તુલશીભાઈ હસમુખભાઈ શંખેસરીયા (રહે પંચાસર રૉડ રાજનગર હનુમાનજી મંદીર પાસે મોરબી) નામના ઈસમને ભારતીય બનાવટનાં વિદેશી દારૂ રોયલ ચેલેન્જ અમેરીકન પ્રાઈડ ડીલક્ષ ગોલ્ડ વ્હીસ્કીનાં રૂ.૧૦૦/-ની કિંમતનાં એક ચપલા સાથે પકડી પાંદડાવામાં આવ્યો હતો.
બીજા બનાવમાં, મોરબી સીટી બી ડિવીઝન પોલીસની ટીમ દ્વારા ગઈકાલે બાતમીનાં આધારે નવલખી રોડ યમુનાનગર થી ગોરખીજડીયા રોડ તરફ જતા રોડ ઉપરથી જીગ્નેશભાઇ ઉર્ફે જીગો રોહીતભાઇ ચાવડા ( રહે-નવલખી રોડ યમુનાનગર-૨ શેરી નં-૨ મોરબી મુળ રહે-નાની બરાર તા.માળીયા(મી)) નામના ઈસમને રતીય બનાવટની પર પ્રાંતીય ઇંગ્લીશ દારૂની બ્લેક લેસ XXX રમ ની રૂ.૩૪૦/-ની કિંમતની એક બોટલ સાથે પકડી પાડવામાં આવ્યો હતો.
