મોરબીમાં ટ્રક ચાલકો બેફામ બન્યા છે. ત્યારે ટ્રકે વધુ એક અકસ્માત સર્જ્યો હોવાની ઘટના માળીયા મી.માંથી સામે આવી છે. જેમાં પુરપાટ ઝડપે જતા ટ્રકે આગળ ઉભેલ કારને ઠોકર મારતા બે મહિલાઓ ઈજાગ્રસ્ત થઈ હતી. જે સમગ્ર મામલે માળીયા મી. પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીનાં કાલીકા પ્લોટ જલાલ ચોક મસ્જીદની બાજુમા રહેતા ઇમરાનભાઇ મમદભાઇ પલેજા ગત તા.૦૯/૧૧/૨૦૨૩ ના બપોરના સમયે પોતની જી.જે-૩૬-એ.સી.-૪૭૦૫ નંબરની સ્વીફટ ગાડી લઇ કચ્છ નેશનલ હાઇવે રોડ ભીમસર ઓવર બ્રીજના મોરબી તરફના છેડે ઉભા હતા તે વખતે જી.જે-૦૪-એકસ-૬૩૪૪ નંબરના ટ્રકના ચાલકે પોતાનું ટ્રક પુરઝડપે અને ગફલતભરી રીતે પોતાની તથા બીજાની જીંદગી જોખમાઇ તે રીતે ચલાવી ફરીયાદીની ગાડીના ઠાઠામા ભટકાડતા સાહેદ ફરીદાબેનને માથામા હેમરેજ તેમજ મોઢામા જડબામા ફેકચર જેવી ગંભીર ઇજાઓ કરી તેમજ સાહેદ રોશનબેનને વાસાના ભાગે તેમજ કમરના ભાગે મુઢ ઇજાઓ કરી તેમજ ફરીયાદીની સ્વીફટ ગાડીમા નુકશાન કરતા સમગ્ર મામલે માળીયા મી. પોલીસ સ્ટેશનમાં ગુન્હો દાખલ કરવામાં આવ્યો છે.
