મોરબીની સરકારી હોસ્પિટલના લિફ્ટના ખાડામાં પડી જતા અજાણ્યાં યુવાનનું મોત

મોરબીની સરકારી હોસ્પિટલમાં સારવાર લઈ રહેલા અજાણ્યા યુવાનનું લિફ્ટના ખાડામાં પડી જતા મોત નિપજયુ હોવાનું મોરબી સીટી એ ડિવિઝન પોલીસ સ્ટેશનમા જાહેર થયું છે.

વિગત મુજબ મોરબી સરકારી હોસ્પીટલમાં આશરે 30 થી 40 વર્ષનો અજાણ્યો યુવાન કોઇપણ બીમારીની સારવાર માટે તા.૧૭/૦૯/૨૦૨૧ ના રોજ દાખલ થયો હતો. જે સારવાર દરમ્યાન હોસ્પિટલમાં નવી લીફ્ટનું કામકાજ ચાલુ હોય જે લીફ્ટના ખાડામાં પડી જતા યુવાનને વધુ સારવાર માટે તા.૧૯/૦૯/૨૦૨૧ ના રોજ રાજકોટની સરકારી હોસ્પિટલ ખાતે સારવાર અર્થે રીફર કરવામાં આવ્યો હતો. જ્યા સારવાર દરમીયાન  તેનું મોત નીપજ્યું હોવાનું ફરજ પરના ડોકટરે જાહેર કર્યું છે.